Raconto satirico del dexàxio de uncó
Republica Veneta anno domini MMXX
In stà casa non xe spasio pa stó virus
no vemo tempo de starte diro.
Tante robe le xe da fare,
e del virus ne gavemo do bale. Ne parla la televison
e i xornai no i ga spasio più
gnanca pal baeon.
Co te parli con to mare
te parti a ciacolàr del tempo
e te rivi ai contagjai dele ultime setimane.
Caro virus, no xe tempo,
ne più spasio par ti:
scoltame un fintin!
Lassa star sta pora xènte...
la xe stada prepotente?
Non poso credarghe!
Noi Veneti xemo tuti brava xènte ,
orsi sì, ma popolo de grinta
e de cor acoliente.
I to parenti nasionai,
i ga negozi, più o manco convenxionai,
e nissun ve cria drio se qualche volta ne pestè i cai.
Quindi, vedito semo tuti boni!
Xènte che laora
e non gavemo tempo de passar par mona.
Con tuto sto casin te voria mandar...
ma varda se oltre quei pori veci, bastonai dall'INPS
anca l'economia te dovevi mandar in casin!
Venezia sensa carnevae,
Colombina triste e avilida
impirada la sul campanil
senza il gusto de saltar de fora
e svolar come un ucelin.
Gnente maschare
sol che musoni,
mascherine par filtrar l'aria de Marghera che non
la spusa più della paura nera.
La xènte che la riva e gira el taco
par teror de un bot de tos
o, dele nappe rosse il starnudar
par colpa del maestral.
Le xità le xe svoda,
la xènte xe spaventa,
e al marcà no te trovi manco na sgresenda,
na freguja par sabajo de pan,
che sul sacafal se tuto xa ben che desbrigà.
Po dei morti, non ghe ne parlemo
par quel vècio ciamà de scampon
per lui te ga fato saltar anca chea triste funxion
e chi che voria pianxe un caro partio
graxie a ti lo ga ciapà nel dadrio.
Varda caro virus che rassa de casin
che te ga fato.
Ti...sacramento!
Ecco, parlemo con un fià de rajón
tra un fia, la riva la bea stajon
la xènte la va in moto e de sbrindolon.
Cossa vuto che fasemo?
Ghe demo un tajo, magari de nero?
Bevemoghe su
e intanto brindemo ala mejo xoventù
che sia aliégra e spensierà
che la viaj a bagolàr
che non xe spaventi dei paesi del mondo
che sia par tuti jorno gajo e jocóndo .
Che rivi xènte foresta,
neta bada ben,
che a nisun ga mai copà una bona insaonà!
Lavemose man, denti e boca
spernado chel doman sia mejo de uncó
e uncó sia mejo de ieri
e disemo a tutti quei masnadieri
che i scrive in xiro notixe de merda
de non divertixe con ea paura,
quea la fa novanta sol sul tabelon
a Nadal e Pasca.
Ecco, vedito, semo quasi diventai amixi,
ma non te baso,
non volermene mal
meglio, in fin dei conti
na bona streta de man.
Commenti